,第41期,3038" /> ">
使用者名稱: 密碼: 忘記密碼
 
主頁\屬神篇\學校快遞

撰文:陳嘉韻  攝影:曾慧明
 
  「一份聖誕禮物,一位Secret Angel,觸動Eileen的神經,化身成Super Angel進行大報復……」以上的情節改篇自中華基督教會基法小學(油塘)一位老師的親身經歷,他收集同學的意見後,創作這齣名為《Secret Angel》的福音話劇。此劇在學校戲劇節囊括多個獎項,一班話劇組成員,更獲教育局、香港藝術中心邀請,假西灣河文娛中心劇院上演這齣得獎話劇。
 

登入

 
精湛演技贏得讚賞
  為了這次公開演出,話劇組成員密鑼緊鼓地綵排,務求以最佳狀態踏上台板演出。我們有幸前來參觀他們的綵排情況,同時訪問奪得傑出男、女演員獎的同學,亦深感榮幸!當邀請他們重演精彩一幕時,兩人不消數分鐘,便投入角色,將角色的內心變化演繹得淋漓盡致,直教我們刮目相看。


男主角阿坤與女主角Eileen將角色演繹得淋漓盡致。
  哪究竟男主角阿坤、女主角Eileen是怎樣看自己在劇中飾演的角色呢?

女主角Eileen叉腰瞪眼鬧人的模樣入形入格。
  Eileen:「我响劇中嘅角色性格好小器,講嘢又唔經大腦,成日諗住點報仇。不過當佢知道自己做錯咗,就會自我反省,仲會想盡辦法去補鑊。佢嘅性格有部份同我都幾相似,所以我好似做返自己咁。」
 
  阿坤:「我响劇中嘅角色性格係個好講義氣,對朋友好好嘅人。當朋友犯錯,我唔會鬧佢,只會俾提示佢,等佢有自我反省嘅空間。某程度上我同劇中人性格相似,我都係嗰種好容易同人做朋友嘅人。」
  對於憑該劇在學校戲劇節奪得傑出男、女演員獎,兩位同學都非常開心。問他倆覺得自己表現最好的一場戲,他們分別揀了不同場口的戲份,且聽他們分享當中的點滴……

這是女主角Eileen發難大罵Secret Angel的其中一幕。 
 
  阿坤:「我記得其中一場戲講我收到Secret Angel送嘅聖誕禮物,但係Eileen就無份,佢唔明白點解,我知又唔講得俾佢聽,只能夠氹佢開心。另一場係Eileen因為咁而無心機,响補習時用紅筆做功課,我見到後大聲嘲笑佢。呢場戲好難做,平日笑係好容易,但係要响劇中好自然咁大笑係好困難。阿Sir為咗引我哋笑,竟然扮跳草裙舞,搞到我笑破肚皮!」
 
  Eileen:「有一幕講我踢爆邊個係Secret Angel,仲刻意唔送聖誕禮物俾佢。我哋會因為咁而鬧大交,我仲鬧到佢喊住走出班房。嗰一幕我覺得都幾難演繹,相信係我演得比較自然,先至令評審對我留下深刻嘅印象。」


 

 


 
 
如欲留言,請先登入
 
Bookmark and Share
版權所有 聯絡我們 | 廣告查詢 | 訂閱/補購本刊 2010©身心美慈善基金有限公司
本網所有圖文不得以任何形式轉載或節錄 香港政府註冊慈善機構稅務編號 91_72684